24個月姐姐vs5個月妹妹

原來睇住兩個真係可以好忙…因為唔係咁易manage 到時間做野…
一個瞓晏覺另一個唔係食就玩…一唔係就兩個都要食或兩個都同一時間便便XD
可能兩個女都好錫我， bb 妹好獨立唔洗我點倍佢都ok~
如果佢睇緊書我做緊其他野，佢會自己慢慢睇…到佢想休息就會自己爬上床揾沈頭瞓喺度嘆世界~ 如果我整完妹妹野同bb 妹一齊玩當然佢會開心d~
因為bb 妹仲未介片所以我又少一樣野做~ 佢開始唔抗拒坐廁所， 不過未識講野嘅佢都未識表達要去所以我又唔急住train.

bb 妹食野方面都係一樣食好少…不過佢兩歲打針時見醫生又話唔洗擔心…因為佢重得ok…都有26lbs… 問醫生好唔好俾toddler milk 佢…醫生話如果真係驚唔夠營養先俾…不過唔recommend…因為引至肥胖，血糖高嘅機會會大d…第時要減肥仲辛苦~
反正我哋家族係肥底， 所以都唔擔心喇~~ XD
不過以前買落嘅奶粉， 如果bb 妹嗰日真係唔食野， 我都會落1scoop 落牛奶俾佢飲~~

講野方面， 都算有少少進步…有日見到佢拿起巧虎公仔對住佢講"你好" (in 國語)  我諗係因為佢睇巧虎台灣版所以講國語啦…haha…
相公叫我同佢講國語…哈哈…相公幾時覺得我咁叻識講國語呢？XD
我只可以有限地咁用國語對話…原來bb 妹真係識聽少少…
啱啱相公叫我講，我就即刻用國語一路講&一路開門拿信…"媽媽開門拿信進來，我都說我不是很會說國語你說是不是？"
點知喺隔離嘅bb 妹竟然爆出一個 "是" 字！ 仲要係聽得出有少少卷脷+鼻音嘅"是"… haha....當時我真係忍唔住笑咗XD
而家如果我用國語講野佢又好似留心d…但我d 唔咸唔淡嘅國語…:/
不過佢肯聽我而家都唔理一次過俾佢聽多種語言會拉慢佢講野喇~
起馬呢邊返學唔會咁緊張…我哋都諗住等佢最少3歲先返學所以都有成年俾佢慢慢catch up~
雖然話無咁緊張， 但都打咗電話要求做評估睇吓有無需要揾專業人仕幫助~ 聽講話有人嚟上門教~ bb 妹個醫生話我哋住嗰度要等好耐…可能要等一兩年…@@ 到時都應該講野喇~所以得啖笑~
有d 地方就兩三個月就ok~ 都係用平常心等~~
我知道最緊要都係俾bb 妹接觸多d 人&新事物~
而家唔係成日都出到街…不過盡量去唔到玩都出外面行個圈見吓d 花花草草雀仔兔仔路人都好！

講吓妹妹~
就快5個半月喇：D 真係過得好快！
4個月時轉身，5個月就坐坐with support~ 呢兩日仲要單手support 坐，另一隻手想攞野玩添~
妹妹好鐘意家姐~ 一望見家姐就笑…又會主動瞭家姐傾計~
不過bb 妹到而家都唔彩妹妹非常之cool!
妹妹係一個愛笑嘅bb~
不過佢脾氣都幾大架， 一唔鐘意就谷紅自己塊面呱呱叫！好似鬧人咁…

食奶妹妹又唔係食好多…average 每日20oz…而家開始一日一餐米糊當snack 食…米糊份量每餐兩安左右…格一個鐘要補奶~
即係一日3餐半奶+1餐米糊snack
本來無咁快俾妹妹食solids…打4個月針時醫生話佢重得ok (16lbs), 可以開始一日兩餐solids 食少少當snacks~
但我係驚青媽媽嚟…唔想咁快所以5月大先開始…
(其實我係驚好似bb 妹咁，早食solids 搞到而家唔食野：)
雖然係有d 姓賴但遲少少都無壞o者…:)

暫時又唔係好認人…除非個樣好兇惡， 唔係都會跟…但就認地方…上星期去cousin 屋企party…喊得好可憐…搞到要早走…一出門口又無喊真係激c！

瞓覺都ok 啦…夜晚自己瞓一間房 (3 個 病隔離咗)…不過during day 瞓好少…2hrs max…有時唔nap 添！ 夜晚830瞓到第二朝6點…
好衰而家咩都扭一餐…好moody…

妹妹都好獨立…要自己瞓喺度食奶唔俾抱住餵…扭瞓會喊但唔要抱…喊一陣就瞓…但佢有好多時都想有人抱抱佢…只係佢話事想幾時抱就幾時抱~~好有性格：/