好似無咩update bb 妹添^^"
其實係有架…寫咗一大篇野後無端端無咗…draft 度見到又開唔到真係激c…
講返bb妹…啱啱踏入22個月…同上個月都差唔多…都係唔肯講野…
只係講d 聽唔明嘅bb 話…但係又唔係對答咁㗎喎…多數自言自語…
最肯同我哋講(bb 話) 呢， 就係跌親/整親勁嘅…先會過嚟投訴…
有時玩玩吓就自言自語…有時仲會尖叫拍手好肉緊…其實係咪正常嘅呢？：/ 我插口講埋一份佢又唔理我㗎喎…
最正常呢， 就係而家叫佢錫媽媽& 攬媽媽， 佢都會做：D
食餅餅時叫佢俾媽媽佢都肯…不過遇著佢鐘意嘅食物,有時就只係俾隻手指你！哈哈…
叫佢一齊讀書時叫佢揾謀半書， 佢有時都做到…
其實呢d野…可能好多小朋友好早就識…bb妹咁遲先做就真係比同年嘅慢…
不過我都有讚佢&無同佢講其他小朋友做到點解你唔得…怕會打激佢自信心…
成日聽人講autism 嘅cases…有一刻真係好怕會唔會係…
見bb 妹都有進步， 只係學野好慢…所以都無再諗…要同佢practice 多啲&帶多啲佢出街等佢吸收吓其他小朋友…
雖然話唔再諗,但如果到兩歲都好慢無咩進展嘅話， 都可能會帶佢去做個evaluation…睇吓有無需要揾幫忙…
上次同pedi 個nurse 傾開， 佢個女兩歲先講野不過唔多， 而家3歲都係講好少…& 佢個女10幾個月就揾言語師幫忙喇…佢話越細上堂越好…
希望bb 妹快d 講野唔好令我咁擔心啦…
呢期bb 妹好鐘意踎…真係唔係咁好睇但又好得意XD
我都由佢當係練吓腿肌&pat pat 肌啦XDD
食方面都係咁啦…食好少…食到半碗飯或粉嗰餐算係叫多…
呢排鐘意食蒸魚柳…不過魚要新鮮先食多， 隔夜都唔食…冰太耐嘅唔食…
食包包都係…新鮮出爐紙包蛋糕可以餐唔多食成個…隔咗一日整返熱一啖都唔食…
瞓覺方面都ok 啦… 晏晝nap 2-3 個鐘… 半夜有時都會醒但都無扭計…自己玩吓自言自語吓就瞓返…
好快兩歲~~ 唔知搞唔搞party 好~
慢慢啦，講野呢家野吾急得，佢地大大下就自己講架啦，吾好太擔心！
ReplyDeleteBB妹好picky wor....吾新鮮吾食，哈哈
佢可能會有一日突然開始講好多野，暫時唔駛擔心住，等2 嵗check up 時問問醫生
ReplyDelete我都好明白，其實真係會幾擔心架... 黎緊同肚B返健康院，我都預左啲評估實係話肚B有問題。
ReplyDelete我老公就好似冇乜野咁，一黎佢外甥都係遲講野大個都一切正常，二黎佢覺得太擔心都冇用。有佢咁起碼可以平衡番，因為我都唔想肚B覺得自己係有問題呢！所以同你一樣，只係肚B做到我一定讚佢架，同埋都提自己唔可以響肚B面前去比較... BB妹媽加油，一齊努力去面對呀！
好食既時候只係比隻手指你。。。hahaha
ReplyDeletebb妹唔新鮮既唔食，好識食呀！
一仔依個月講野都多了，去評估当比佢感觉去玩，諗佢咁细唔識分卦？
唔好咁擔心,講嘢呢part真係急唔嚟,我成日覺得佢哋唔係唔識講,只係唔願意開金口啫!
ReplyDelete你地屋企係咪講多過一種language呀? 如果係就可能佢要學多種語言， 遲小小講都正常.
ReplyDeletebb妹咁有同理心， 點都唔信佢會係autistic...
佢啲頭髮真係又長又多， 分啲俾田鼠哥哥得唔得呀! XD
或者過一排就會開金口，唔使太擔心，或者試吓畀佢接觸多D小朋友，佢哋同輩影響真係幾大㗎﹗
ReplyDeleteBB妹都幾識食喎，專食新鮮嘢，咁你要努力買餸先得喎﹗