近況

係因為成年冇寫blog生疏咗定記憶力衰退?
差d 唔記得喺邊度寫Blog...又唔記得pw...
又或者太多嘢做/諗...有時想回憶返以前(我以前係耐唔耐就鐘意回味過去嘅人),
但跟本諗唔起...
到有d印像時...想再detail d回想/回味返,
就硬係有嘢做唔得閒再去諗...
變咗回憶又遠離我遠d...
最近同返個舊朋友傾計...
10幾20年前都算係好friend咩都講...佢問返我關於以前嘅嘢,
只係重點記得,detail 嘢就好似洗咗腦咁...
當佢提及佢個ex,
我好驚訝因為佢唔提起我跟本唔會聯想到呢個人...
但明明以前我哋講嚟講去都係兩篤屁XD...:/...

講返近況
bb妹已開學個幾月. 今年係第二年. 老師亦轉了.
System 亦改了似的...好多嘢都唔同咗.
開學頭嗰星期唔係咁smooth.
仲好激動咁喺電話同bb妹個case worker 鬧班主任的不是.
(case manager係跟bb 妹嘅,每個special ed 學生都有個case manager.
有關學校所有問題&set up meetings 都係搵佢.
類似係social worker + Coordinator)
anyway, 我係從來未鬧過人&自問喺控制情緒方面都ok 嘅.
不過可能因為涉及到我個寶貝女&班主任d態度係差極, 所以我好嬲好嬲...
同個班主任已有少少口頭磨擦都忍佢因我驚佢會對bb妹唔好...
之後同case manager 傾(其實都係班主任唔想同我傾,佢話會叫case manager
搵我) 但我當時勁嬲所以收線後直接call case manager.
本來我都只係想問吓可唔可以轉返舊老師...
但我越講越激動所以就變咗鬧個老師咁.
因我從未鬧過人,心諗,點先叫鬧人呢??唔...
諗起相公同我講佢開會時d 亞頭都係一輪嘴咁有佢講冇你講..
好!咁我就用呢招! 佢一想幫老師講好說話我就唔俾佢講,
仲要好大聲講講講!!佢一出聲我就又大聲講講講!!
講到最後我都喊咗出嚟...不過都忍住冇變聲...應該.
哈哈! 原來鬧人都幾爽XDDD 同埋佢真係驚咗我咁喎?!
後尾件事都算解決咗, 我都email返個case manager對自己
電話上嘅態度道歉. 因為我好明白佢係夾喺中間...
佢要deal with 佢個supervisor 又要deal with 衰老師.
我都唔想做個巴喳家長.佢亦好明白我,又唔敢講個老師,
只係話個老師嘅personality 係咁,人係冇嘢嘅.
老師個人有冇嘢就唔知, 但有次個校車保姆問我攞bb 妹班主任個名要投訴佢.
詳情點我就冇多問,只問了唔關bb 妹事就算. 可想然之老師都唔簡單...

真係唔簡單...家長日我同相公都有meet 佢. 個人好似好開朗又好了解d 學生咁喎...
又好似好健談咁喎...
又話知道bb妹唔舒服就喺學校俾多d 水佢飲, lunch 凍咗就heat 熱返少少因知佢
鐘意熱食...好似好體貼咁..
但係之後有次喺學校整濕咗條褲就幫佢換短褲:/...60度要著外套嘅天氣做咩有
長褲back up 唔換又俾條四個骨短褲? :/ emailed 老師問,佢就話check 吓
係咪有長褲...又話放學前先換嘅...:/

唔好講老師喇!

講返bb 妹! 佢仲未識言語表達.
喺呢一年,最proud of her 就係over the summer 佢有日無端端自己識
畢飯食!! 之前畢極都唔協調呢.ohoh 仲要係肯食嘢!!自己坐自己畢快快手唔駛我再擔心食方面..
雖然仲好揀食但對佢嚟講係大進步呢!

另一surprise就係識著拖鞋!! 之前又係了吓著唔到就放棄或發脾氣...
而家會慢慢focus 穿入個窿!雖然動作慢四拍但我都勁開心!

聽direction 方面, 佢知食飯就要坐邊, 出街會去門口等,叫佢沖涼佢識入廁所,
叫佢veevee/poopoo 都識要去廁所但未potty trained.
聽得明返學, 好鍾意搭校車.
多咗留意我哋講嘢&動靜...有次我哋執野準備出街,佢知道就喺房出嚟跟住.
有次喺婆婆屋企又係,我哋準備出街佢又跟住! 以前係活在自己世界叫都唔理.

而家叫佢名, 都有80%會望你1秒.

識自己上car seat, 自己上餐檯櫈.

自己揭開自己本binder 拎圖片出嚟俾大人要求食/渴.

唔要會推開或寧頭.

有時會叫媽媽但唔知有冇meaning 因唔係對住我叫.

嬲/發脾氣會好似狗狗咁整d angry 聲.

多數都開心. 但有時唔知做咩會喊&叫...一但發作就calm down 唔到,
可以喊&叫成幾個鍾...:(

同妹妹有時有眼神交流(1-數秒)

唔太鍾意妹妹怕佢d 喊聲&講嘢太多太嘈

暫時講咁多先! 下次要講吓妹妹!

bb 妹返學了

好耐無update....太多野想寫都唔知寫咩好所以拖吓拖吓就無咗件事^^"

bb 妹9 月份(3歲兩個月) 已正式返pre-k 喇！

之前諗咗好耐好唔好讀special ed...定係讀普通學校睇吓有無進步再算？...
最後都係面對現實，special ed 會比較適合bb 妹而家嘅情況。

話咁快返咗學兩個幾月喇！
不嬲都唔痴我哋嘅bb 妹， 從未試過我哋走開佢就喊嘅小朋友....估唔到第一日返學上校車時c 都唔肯上車， 上咗兩級寧返轉頭狂喊要落車又"萬"住度車門又叫又踢好似想同我哋講"俾我落車呀唔好唔要我呀！"...我當時勁心痛！！

最後， 我哋心軟， 第一日無俾佢坐校車， 自己送佢返學。

第一日返學， bb 妹勁喊...媽媽喊...:(
第一日放學， 坐校車， 喊住落車...:(

第二日返學， 上校車， bb 妹喊...:(
第二日放學， 坐校車， 無喊：)

第三日， 上校車， bb 妹雙眼淚光，扭計，但無喊：)
放學， 無喊：)

第四日， 返學放學都無再喊：D

兩個月後嘅今日， bb 妹已經習慣晒， 好鐘意返學！！ 雖然佢都未識講野， 但佢表情話俾我哋知返學好開心！：)

因為係讀special education班， 一班只有6個學生...1個special ed老師， 4 個special trained 助教！
學校唔錯，老師&aides 都好nice:)
每日都用communication log 同老師溝通-老師都會寫d 有關bb 妹學校嘅野返嚟俾我睇 (e. g. 心情，有無食lunch,  有無做tasks, 上咗咩therapy,  etc)
如果有需要/緊要野要揾老師， school hrs 可以直接打電話入班房呢！

學校一星期上兩次speech therapy (individual) ,  兩次occupational therapy (1次individual,  1次group),  一次physical therapy (group)

bb 妹is on aba program (重覆教佢一樣野， 做到就俾獎勵-玩具/snack/ipad/dvd...睇吓個小朋友有咩可以motivate佢學野就用嗰樣野....bb 妹多數用巧虎dvd:)
學到一樣野有80%成功就move on 學第二樣。
其實係好基本嘅野， 好似"give me _____",  "touch _____"
而家仲學緊用pecs (相片/圖畫卡) 同人溝通

家長一個月有一次training,  同老師&一個behaviorist跟進吓學進度， 再喺屋企練習

除咗每日返學on aba program & therapies,  仲會有 circle time,  story time,  play time,  sensory time(e.g. 玩finger paint,  playdoh,  shaving cream,  water, rice&beans,  etc).
學校仲會搞活動，旅行之類。

學校有一次snack time,  一次lunch time
兩樣都係自備嘅。 當然可以喺學校買， 不過我見menu 都唔啱bb 妹食所以自己帶。
不過日日諗帶咩都幾頭痕...因為佢好揀食，又唔食sandwich....變咗大多數要煮....每星期有3日一定食呢d佢一定食嘅-薯仔雞/西蘭花雞/chicken nuggets....再帶生果....其如兩日就見咩整咩....等佢試唔同食物

喺學校學咗d 咩？
最開心咪係佢而家會坐定定食野囉：)
雖然都仲有耐唔耐就拍手， 咬牙， 走來走去無時停， 但已經可以坐/企定一陣玩/睇書(幾分鐘)...都算有小進步！
呀！ 仲有學識推妹妹！ 雖然呢d 係壞行為， 我都會講返唔可以推妹妹， 但知道bb 妹都會有留意身邊嘅人真係好開心！
呢重開心局外人真係唔會感受到架！
加油bb 妹！！

bb 妹4個月後治療進度

時間過得好快！ 唔經唔覺bb妹接受咗治療都4個月了。每日都見住佢進步真係好開心！
雖然相比同年嘅小朋友， bb 妹都係delay 咗成年， 而講野方面仲更加唔只，到而家兩歲半都係識講幾隻字。 但對有自閉症嘅bb 妹， 我覺得佢做得好好， 一直都無放棄過。 由一開始上堂坐唔定又唔肯follow direction, 又一唔鐘意就發脾氣嘅佢， 到而家可以坐到最少15分鐘，然後俾佢行個round, 再返埋位坐，多數可以complete task,  更沒有再發脾氣添！

因為bb  妹唔識用言語表達自己，老師教咗少少手語-give me,  open,  drink/eat,  more,  point- 令到bb 妹多咗表達自己 & 多咗選擇自己要嘅野。

最近， bb 妹無端端拎隻spoon 放落我個口(當時呆咗幾秒-好開心) ， 之後我拎隻公仔(monchichi) 出嚟，話monkey is hubgry too,  do you want to feed him? 佢就用隻spoon 餵公仔喇！

最近， bb 妹會同陌生人揮手(叫佢做先會),  同埋daddy 放工返嚟會走過去揮手呢！

bb妹嘅每一個進步都令我哋好proud of 佢！我知道，每一個task對佢嚟講都係一個挑戰。 如果唔係親身經歷到， 我係完全唔會明白，明明係好簡單嘅野， 對有自閉症嘅人嚟講，可能係會難10倍/100倍/1000倍，亦可能係學極都唔會學識。

我媽每次見到我都同我講，同bb 妹講多d 野，repeat 教佢野就自然會學到。 又話不如試吓呢d試吓嗰d 方法啦...我好想同佢講，你點知我哋無試唔同方法？ bb 妹唔同妹妹或其他小朋友一講就明。 就算書本/online/anywhere有講關於自閉症，你無經歷過真係永遠都唔會知道你就算做幾多教幾多講幾多示範幾多次，個結果都唔一定係理(您) 想--嗰個心情係唔會感受到嘅。 
而家我哋只係想bb 妹可以maintain 而家所學到嘅野，一步一步嚟，唔好俾太大壓力大家。
呢條路一定唔會易行...我哋每一個都會陪bb 妹一齊行，一齊進步！

妹妹7個月

好快好快又過咗一日月喇！

妹妹係一日嗲bb…好多時都想我抱抱：)
我鐘意㗎!  因為bb 妹bb 時唔扭抱(除咗扭瞓時)
所以難得有個嗲嗲妹妹媽媽緊係一有時間就攬實啦XD
(不過又要顧及bb 妹感受…佢唔會show jealousy 但會忙住我抱妹妹有時好似唔係好自在)

妹妹已經有兩隻牙仔喇~~
唔知關唔關早出牙事， 佢食粥仔比家姐好…(寫好喇…唔好俾妹妹聽到):)
一日3餐奶(仲係6oz),  一餐粥仔， 一餐水果
已經開始俾魚&雞佢…其他瓜菜都一路咁試食緊~
仲未開個blender 攪肉蓉， 全用個"西"&匙壓爛至差唔多蓉…
(第二個真係是但好多)
不過是但得嚟變咗日日有新鮮粥食~~ 唔再冰餸…有時都會冰湯但都係冰最多兩餐~

便便一日1-2次
通常便便咗都會叫換片

夜晚好早瞓…8點幾就瞓…有時7點幾添…
但日間唔take long naps…半個鐘就醒…一日nap 1-2次

家姐上堂妹妹就坐saucer/swing/playpen…但坐唔耐，
要抱抱…或坐係我隔離一齊同家姐上堂~~
妹妹好貪玩…老師帶d 教材嚟俾家姐佢又要搞…仲週不時望住教師聽吓佢講乜東東XD
教師同我講野， 妹妹以為同佢講…佢又er er 答嘴好得意！

認人…但我喺度通常都唔喊…我行遠d,  生面口行近妹妹或抱佢就狂喊…
我抱返就即收聲…
(bb 妹以前唔係…抱返都勁喊要等佢鬧完你先收聲)

開始"冷"…開始共起個身&pat pat想爬…我諗妹妹第時會爬爬~

好為食…見到我哋食飯佢就叫要抱住望吓臺面有咩食…之後伸手攞…
有時會放佢喺booster seat 同我哋一齊食…佢會分到幾粒飯…成個好開心Xd

妹妹一樣好鐘意家姐~~ 而bb 妹都開始同妹妹玩…但係做被動， 妹妹伸手high 5 先， bb 妹先high 5 back:) 

bb 妹開始治療

bb 妹開始咗治療已經有一個星期了~~
一個星期3日會上7堂， 每堂一個鐘~
(其實真正上堂係只有45分鐘倒，因為治療師到最後10幾分鐘都會講返當日同bb 妹嘅療程係咩&有咩幫助)
上堂係喺屋企上…
我哋住NJ, 所以要睇收入嚟俾co pay (NY 好似係free 呢)
好彩我哋收入唔高， 所以一個鐘都係俾$11usd

每一堂我都有參與~所以我都學到好多野~
總共有3個治療師，兩女一男~
每次一個治療師嚟…3個都用唔同方法教呢~
bb 妹比較驚男人…所以第一日上男人嗰堂佢一尾要我抱抱…
直至男人攞起本故仔書開始讀時…bb 妹由好唔願望猛摟計…到爬喺地吓瞓著咗！！哈哈哈…之後就由佢瞓…無上堂…嗰日佢瞓咗3個鐘先起身XD

第二次上男人堂就好好多…因為為咗令bb妹接受佢…男教師又跳又唱…仲出埋後園玩sir sir & 玩水！ bb妹好曳曳，知道男教師就佢, 佢就特登走來走去@@ 等男教師捉佢…真係耍到人哋駝駝寧…我問男教師要唔要break 吓， 佢又話唔洗喎…唔通慣咗？

另外兩個女教師bb妹就聽話d…其中一個較嚴， 一定要bb妹坐定定…一定要bb妹聽指引(其實只係要bb妹想要咩都要手指指嗰樣野先可以得到)
好似書，玩具，水， 餅餅，etc… 初初唔肯做…又唔耐煩要走人…咁每次佢走就拉返佢過嚟…係好唔願意之下bb妹有時都肯做…有時就好似好嬲咁怒啤老師…雙眼紅晒：( 有時就喊得好妻涼：( 有時dum 腳大叫：( 有時爬地：( 老師一叫佢個名就發脾氣想走：(
見到都心痛…不過為咗bb妹…要忍！
如果老師見bb 妹真係喊要走…佢就俾bb 妹走一個圈之後返嚟再試…重複又重複咁練…
上咗兩堂呢個老師， 一個星期後嘅今日，如果佢要飲水， 我會遞支水同佢講"point",  bb 妹真係篤隻食指出嚟呢！！(雖然係好求其篤吓就算…但呢個少少進步都令我好開心呢！)  我要多d 同佢practice 其他野都要point 先得！：)  therapist 話等佢慣咗用手指指， 慢慢就會想要d 咩都會指， 之後就會指住講自己想要d 咩喇~~

我哋之前唔係幫bb 妹攞野， 就係等佢自己攞…所以無機會俾佢表達俾我哋聽佢想要d 咩…玩具就唔洗講佢鐘意就自己攞嚟玩…snacks  & 水我都放喺佢攞到嘅地方等佢自己嚟…而家我知道小朋友係要控制先可以令佢哋學到更多野~

呢個星期學咗好多野~
Daily schedule 都好忙呢~ 可能啱啱上堂唔慣…要整定野食俾兩個女…
朝朝要執屋抹地吸塵(平時幾時都做得，而家要一早做因為要準備上堂)
下星期應該好d~~

妹妹6個月

話咁快妹妹就6個月大喇~~:D
我要開始寫返密d 成長日誌先！ 小朋友大得快好易唔記得！

上個星期去醫生度打6個月針&食藥~
妹妹好乖打完支針後開始想喊…我即刻唱twinkle twinkle little star.…
做埋手勢…個姑娘又配合一齊唱~~妹妹即刻笑晒：D
應該有兩支針要打…但我哋話想分開打， 1-2星期後先打埋佢：)

題外話…今次見醫生俾埋bb 妹個評估報告佢睇…醫生睇完都係同之前咁講…話無咩野好少事只係speech delay…唔……但明明個report 有講其他delay 喎…:/ 問佢我哋可以做d 咩幫吓佢…佢就話大大吓就識唔洗擔心…:/…
唔知係咪bb 妹嗰日表現normal…又同d 哥哥玩又追其他小朋友又週圍走搞lee 搞路&講d bb 話？
我哋諗住都會喺屋企附近揾個developmental pedi 睇吓…
無可否認, 今次呢個評估俾咗我哋好大壓力…仲搞到同相公鬧交！
講到責任問題就嘈…sigh…我哋真係幼稚！ 而家唔係要揾個根原嘅時候…呢d 野等bb 妹好返再find out 都唔遲。

Btw,  bb 妹呢排唔怕上樓梯喇！ 雖然只會自己爬上去，但見佢有返信心我哋真係好開心！！：D 加油！！

離完題又講返妹妹先~~~~
6個月嘅妹妹重17lbs6oz
一日食3餐奶(6oz) 一餐粥(大半碗飯碗)
開始食菜蓉&水果蓉…每款試3日…so far 食過sweet potato, peas, squash, pear, apple.
菜蓉全部用jar baby food~~懶媽媽無時間整…粥仔就用焗熟嘅方法再隔至糊狀再加菜蓉蒸熱~ 我諗過多排可以食魚先開動我部blender :)

妹妹好鐘意玩&好鐘意同家姐玩！
放埋家姐度， 家姐一出d 古靈精怪聲&動作就笑到gaga 聲(家姐唔係同妹妹玩架喎！)  係妹妹以為同佢玩咋XD

妹妹好識野， 知道邊個會抱佢就郁手郁腳好似反轉咗嘅龜龜咁，要抱抱~
仲會扮喊！ 少少扁嘴嗚嗚叫！

一定要有人倍唔係就叫~

飲奶唔要抱住…同家姐一樣~

同佢講nono,  有時會寧頭~
叫佢me 眼洗面& mark 大口清潔都識聽會做

好鐘意坐喺度玩…尤其家姐一齊~~

開始自己坐…由雙手support 到單手，另一隻手攞野玩…到而家有時兩隻手都要搞搞陣XD

肚餓好似講奶奶…唔只一次&相公都聽過呢…不過唔知係咪

妹妹唔係咁瞓晏覺…半個鐘半個鐘咁…夜晚就8點幾瞓到第二朝7點幾…

好怕醜， 瞭佢笑佢一笑就寧歪面， 之後又笑住望返你…每次都係咁好搞笑！

由4個月開始就無咩嘔奶…到而家6個月都唔洗點so 風…飲到瞓覺都ok~
上個月如果飲奶飲到瞓，有時都會喊醒要burp…而家唔洗lu…大個女喇~

我同相公都無野望， 只希望兩個女都健健康康~~ 就算係slow learner 都唔緊要~~開心健康就得喇~~

bb 妹做了評估

bb 妹將會大概一個月後接受治瞭…
唔開心？ 唔多唔少都會有…因為一直覺得無咩野又唔唯意嘅野原來都係有影響bb 妹成長~

上兩個星期early intervention program 嗰邊打電話嚟攞資料& 原因for 評估…唔知係咪我話兩歲嘅bb 妹一個字都唔識講…第二日就有人跟進&約埋時間做evaluation. 

尋日有兩個therapists 嚟咗做評估…一個係occupational therapist, 另一個係speech therapist…整個evaluation2.5小時…係做多方面評估…問咗關於好多bb妹嘅問題…對人對事嘅反應…自理能力…言語/any 表達能力…

唔講唔知， 原來怕玩韆鞦， sir sir,  或坐車都係Atypical (佢哋用Atypical 嚟形容其實即係唔正常)…因為bb 妹好怕玩 sirsir…韆鞦之前都怕但好耐無玩所以我話佢都好怕…呢個係其中一個atypical 嘅地方…

唔講又唔知， 原來用杯(無蓋嗰d) 飲野， 如果据起個杯用條脷lam入面d 野飲…呢d 又係唔正常…佢哋話小朋有只會据起倒到濕晒係唔會lam…等我哋仲以為bb 妹叻叻知道會濕所以lam…:/ (bb 妹有時食完野又會lam 手指…又試過lam 我大脾…又試過一次細細力lam 妹妹腳指！ 呢幾樣野唔記得講！ 講咗一定又係問題…)

唔講又又唔知， 原來成日以為bb 妹好開心成日走嚟就去見到咩開心，或鐘意嘅野就拍手又bb 話或叫…唔洗點理佢以為佢好獨立…原來係唔正常…:/

唔講又又又唔知， 原來同其他小朋友一齊玩， 如果只係為咗玩具玩， 無語言溝通(bb 話都算係),  搶野玩又好，一齊坐玩有好，總之只為玩具玩就有問題…:/ 呢個問題我哋唔肯定係唔係…但事實上bb 妹又係有玩具先自動行去同其他小朋友一齊喎…同埋事實又無講野只係拍手&有時叫或bb 話但唔係對住小朋友講…所以，呢個又係問題…

兩個therapist 問咗好多問題之後就同bb 妹玩…睇吓佢聽唔聽指領…10樣入面或者有一兩樣聽…所以唔pass.

最後評分…

如果有兩個或以上嘅field 高過1.5 就qualify 接受治瞭…
如果一個field 高過2 又係qualified.

bb 妹有兩個fields 1.6, 一個有3… 所以要接受治瞭…

Therapists 話bb 妹係因為 sensory overload & over stimulated 引至學習能力delay…佢無辦法專心…成日走嚟走去又咁hyper …就算有眼神接觸都係好短暫因為佢好快就要忙佢d 野…(唔清楚係咪過度活躍…又唔知係咪自閉之一…要見醫生先知)

同埋話bb 妹謎失方向…一歲多佢識嘅字突然無再講…又無再做…

我同相公都好guilty…因為好多野我哋其實早早留意到…但又唔覺得係大不了嘅野…同埋成日諗仲細慢慢會無事…慢慢學…又唔知原來小朋友太開心&太獨立係其中問題…

希望上堂會幫到bb 妹"行返條正路"…